吳國敬昨晚（12月19日）錄影《歡樂今宵》期間，當說到「交通安全之四大不」時竟頻頻NG， 而且更影響在旁的肥姐（沈殿霞）也陪他一起「食螺絲」。問到亞敬是否過份緊張所致？他說 ：「因為我四大『不』都唔做，我駕車唔會cut線、唔會跟車太貼、又唔會飲酒駕駛。」

另外，他表示上星期玩遊戲節目時贏得的旅遊禮券全部沒時間用，他若有所失的說：「上個禮 拜所贏的中東、歐洲和澳洲旅遊禮券全部都無得去！」因為他除了欠別人十多首歌外，於下年 分別在年初和年中推出兩隻大碟。問到該禮券怎樣處置？他說：「看看有沒有朋友想要便賣給 他，歐洲旅行喎！幾多人想去。」他笑說這陣子身邊多了朋友找他，但他們卻只是對旅遊禮券 有興趣而已。

另外，吳國敬將會搬屋，由城市搬到郊區。不過新居只是他租來住的，為何不自 置物業？亞敬表示自己一向喜歡租多於買，雖然有一個「自己的家」是件好事， 不過朋友們都認為樓價應該會再下跌，所以便打算到明年年中才買樓做業主！

版主斯斯意見：
我好希望Ｄ記者有良知少少囉，我當晚都在場，亞敬的確係講「四不」時係ＮＧ左好多次，但係 我地幾個人在場都見唔到肥姐「食螺絲」喎，如果肥姐真係俾亞敬影響到「食螺絲」的話，點解 我地幾個人都睇唔到呢？唔通只係呢位記者睇到？真係奇怪！

其實果「四不」都幾難記架喎，我地都好唔明點解唔寫張大字報俾佢，其間有人寫左一張咭仔俾 佢拎住照讀，但係又寫錯喎，攪到氣氛好尷尬！我覺得真係要改善一下！