佛 山 騷 爛 尾 張 衛 健 收 左 一 半 歌 酬







蘇永康、張衛健(健仔)、梁漢文(Edmond)、Twins、吳國敬原定前晚到佛山參與一個「歌舞飛揚群星演唱 會」,司儀則由葉璇和雷宇揚擔任,但一眾藝人在出發前一晚即接到音樂會臨時取消的通知,正當大家以為是 受非典型肺炎恐慌的影響,甚至連健仔都以為是此因由,卻原來是因為香港聯絡策劃的單位收不到「尾數」, 結果造就了許志安、康仔、健仔、Edmond、阿敬一班老友前晚到跑馬地開飯局相聚。

成班人一齊食飯

健仔的弟弟Henry被問到音樂會「爛尾」一事,他說:「係咩?唔係非典型肺炎問題咩?因為係高B友負責聯 絡,所以話音樂會取消左,我地都冇問到,(健仔遇過呢D情況未?)未喎,十幾年都係第一次,不過好彩 健仔已經收左一半歌酬架啦。咪因為唔使做騷,大家咪約埋成班一齊去食飯囉,我媽咪都有去,食完飯仲上 去康仔屋企坐左陣。」

而康仔和Edmond的經理人公司則坦言:「爛尾O既野都唔係未發生過,今次都好體諒中間人,好彩大家都冇上 去,算係不幸中之大幸。」











資 料 來 源 : 東 方 日 報

inserted by FC2 system