吳國敬昨日與徒弟吳展濠出席公開活動，被問到日前是否與好友陳奕迅玩天光，阿敬大方承認，又大讚Eason 是他所見近二十年最有音樂感的男歌手，他還透露將於五月推出精選碟，六月舉行兩場演唱會，他說：「我o係 四月會請蘇永康同梁漢文做教練，佢地話會地獄式訓練我，到時我一定要操到好Fit先見人。」

至於有否擔心售票情況，他坦言擔心不來：「冇得擔心，要睇情況，我會o係呢半年寫多 D Hit歌，其實呢個唔 係演唱會，係我O既作品展，到時同我合作過O既人都有機會出席，好似四人幫（許志安、張衛健、梁漢文及蘇 永康）、Eason、Sammi度緊期，霆鋒都可能會到。（會否諗計分開Sammi與安仔？）唔使啦！朋友見面O者！不 過我唔會令朋友尷尬。」

講到突破性演出，阿敬突然拉起上衣，露出與霆鋒及其緋聞女友王菲一樣的情侶紋身說：「到時咪露呢樣！ （著T-back？）T咪T囉！驚你咩！」